لاتخبري زوجك عمرو راشد
لاتخبري زوجك عمرو راشد
طلقت ريهام رسمي!!
اللي حصلك دا يا حبيبي الجزء الأول لسة بقا الجزء التاني بس دي مرحلة ممكن منوصلهاش الا لو طلقت ريهام رسمي
يوسف بص ليها وهو مش قادر ينطق
اسمع كلامي يا يوسف اسمع كلامي عشان تكسب على الاقل عشان تعيش يا حبيبي انا لو ضغطت عليك شوية كمان ھتموت ف ليه بقا تتعبنا وتتعب نفسك
نظرة الشړ كانت هي الحاجة الوحيدة اللي باينة في عنيه
امي مسحت وشها و زعقتله
اسمع يالاا انا ممكن اقټلك دلوقتي ومحدش هيحس بيك وساعتها ريهام هتبقا ارملة ومش هنحتاج منك تطلقها اوعا تكون فاكر انك كدا بتلوي دراعنا انت لسة متعرفنيش بس ماشي هسيبك تفكر تاني
كان واقف جنب يوسف اتنين رجالة امي شاورتلهم وقالت
العشا بتاعكو جاهز يا رجالة مش عايزاكو تحرموه من حاجة
انا لولا ان ماما مش عايزة تقتلك دلوقتي انا كنت خلصت عليك من بدري
مردش عليا و اكتفى انه يبصلي بس سيبته ومشيت ورا ماما خرجت برا لقيتها مستنياني
انت عملت ايه مع ريهام
كل حاجة ماشية كويس
انا قصدي الموضوع اللي متفقين عليه
عيب عليكي يا ماما انا عارف بعمل ايه كويس
عدا أسبوع كمان مكنش في حاجة شاغلاني غير حازم واللي بيعمله هل انا فعلا ظلمته ولا هو كان يستاهل مني فرصة يثبت انه ممكن يتغير بس هيتغير ازاي وامه مسيطرة عليه كدا خاېفة لو رجعتله يرجع تاني زي الاول انا ايه اللي انا بفكر فيه دا انا ازاي
نسيت يوسف بالسرعة دي قلبي بين نارين وعقلي مشتت وخاېفة اغلط سمعت جرس الباب رن قومت فتحت لقيتها امي
الحمدلله طمنيني عليكي أنتي
انا بخير يا حبيبتي كنتي قاعدة بتعملي ايه
مفيش كنت سرحانة شوية
سرحانة ف ايه
في اللي حصلي هيكون ف ايه يعني
وهو ايه اللي حصلك يا حبيبتي ماانتي زي الفل اهو
انا بقيت تايهة يا ماما بقيت مش
عارفة افكر ولا آاخد قرار
انتي اللي عملتي في نفسك كدا يا ريهام
عملت ايه
الواد اللي أنتي اتجوزتيه دا مكنش ليها أي لازمة تعملي كدا يا حبيبتي دا ام حازم قالتلي انه عيل من الشارع يعني منعرفش عنه حاجة
تاني هتقوليلي الكلام دا حبيته واطمنت وانا معاه وكان مالو حازم يا ريهام
حازم كان بعيد عني مش شبهي في اي حاجة
والواد دا هو اللي كان شبهك
سكت ومردتش عليها مكنش في فايدة اني أحاول اقنعها باللي في دماغي وهي مصممة على رأيها
حازم راجل يا ريهام وكفاية انه لسة مقعدك في بيته حتى وانتي مش على ذمته
و امه دي كانت عملتلك ايه شوية خلافات وبتحصل في اي بيت يعني عايزة تفهميني انك لو كنتي كملتي مع الواد اللي بتحبيه دا مكنتوش هتتخانقو
مش عارفة
اي بيت بيحصل فيه خناقات يا حبيبتي مش عشان حصلت خناقة نهد البيت فوقي وراجعي نفسك قبل فوات الأوان يا حبيبتي
بعد ما امي مشيت انا بقيت في حيرة اكتر انا بس نفسي اشوفه او اعرف منه عمل كدا ليه اصل هو لو مش بتاع جواز كان قالي من الأول لكن ليه يضحك عليا ويوهمني انه بيحبني وبعدين طب ماهو انا كدا لسة على ذمته مفيش ورقة رسمي تثبت اني اتطلقت الموضوع فيه حاجة غلط
بقلم عمرو راشد
روحت المخزن دخلت لقيته لسة متعلق
ايه يا يوسف اوعا تكون محتاج حاجة انا موصي محدش يحرمك من اي حاجة
رفع راسه وبص ليا كانت الكدمات زادت في وشه أكتر لدرجة ان عينه اليمين ورمت وقفلت تماما
واضح ان الرجالة ايديها كانت تقيلة شوية
قربت منه
ماهو انت اللي مش عايز تسمع الكلام يا يوسف ريحنا و ريح نفسك يااخي دا انت عنيد جدا بصراحة يعني
كان بيتنفس بصعوبة ولكنه نطق وقالي
ابقا خلي رجالتك تنشف شوية ايدهم ناعمة زي النسوان
بلع ريقه وكمل
ولا هتقولهم ازاي نسيت انك تربية نسوان و ايدك اطرى منهم يا زمزومي
وبدأ يضحك
اضحك يا يوسف اضحك أكتر عشان اللي جاي هيكون تقيل وهيخليك ټعيط بدل الدموع ډم
زعقت للرجالة اللي كانت واقفة
انا عايزكو تبسطوه على الاخر عايزه ېموت من الضحك وياريت تشدو عليه شوية عشان بيقول عليكو نسوان وروني بقا هتعملو فيه ايه
مشيت وسيبتهم معاه بس وانا ماشي سمعته بينادي عليا
حازم
وقفت وبصتله ضحك وقال
سلملي على امك
خرجت وانا متعصب جدا مكنتش شايف قدامي ركبت العربية ومشيت وانا راجع البيت جيبت اكل وعصير ل ريهام جيبتلها كل الاكل اللي بتحبه عشان أحاول ارجعها ليا تاني وانسيها يوسف دا نهائي وفعلا جيبته و روحتلها
اتعشيتي
لا لسة
طب يلا جيبتلك الاكل
خدت مني الاكل وانا واقف على الباب وبعدها بصتلي ب استغراب
ايه مش هتدخل
لا انا هنزل عشان ماما مستنياني هناكل سوا
لا عشان خاطري يلا مش معقول هتجيبلي اكل لحد البيت وتمشي يعني
لا عشان تعرفي تاكلي براحتك وبعدين بقولك ماما مستنياني هسيبك انا بقا يلا باي
نزلت عند امي فتحت الشقة و دخلت لقيتها قاعدة في الصالة وحاطة رجل على رجل
مساء الخير يا ماما
مساء النور يا عيون ماما
مالك قاعدة كدا ليه
مستنياك
هو في حاجة ولا ايه
انت كنت عند البت دي بتعمل ايه
كنت جايبلها اكل
ليه ان شاء الله
عادي يا ماما وبعدين مش دا كلامك اصلا انتي اللي طلبتي مني ابقا انا المسؤول عن أكلها وشربها
مظبوط
فلاش باك
انت بتحب البت دي يا حازم
أوي يا ماما بحبها أوي
ولو قولتلك اني ممكن ارجعهالك تاني
ياريت بس ازاي بس بعد ما اتجوزت الواد دا
بسيطة احنا هنشيله خالص من الصورة عشان المكان يفضالك يا حبيبي وبعدها بقا انت وشطارتك
هنشيله ازاي
سيبها عليا دي
بس انا خاېف متقبلش ترجعلي تاني
ماهو عشان كدا لازم تملكها كويس لازم تخليها متعرفش تستغنى عنك
اعملها ازاي دي
طلعت حبوب وحطتها قدامي على الترابيزة
ايه دا يا ماما
الحبوب دي هتحطها في اي حاجة هي بتشربها أو أي نوع اكل
هحطها ازاي برضو دي حبوب
و هي الحبوب دي مش ممكن تسيحها يا حازم لحد ما تبقا بودرة ركز معايا شوية عشان الموضوع دا محتاج دماغ صاحية
حاضر
خد الحبوب دي خليها معاك و متستخدمهاش غير لما اقولك
حاضر بس الحبوب دي بتعمل ايه يعني انا مش عايز اعمل حاجة تضرها
لا يا حبيبي احنا مش هنضرها احنا بس هنخليها معانا علطول عشان بعد كدا متسيبناش وتمشي
بااك
طب ووصلت ل ايه دلوقتي
متقلقيش يا امي خطوات بسيطة و ريهام هتبقا ملكي طول العمر
جدع يا حبيب ماما
عدا أكتر من اسبوعين وانا مواظب على الجرعة بتاعتها لحد
ما خلاص اتأكدت انها أدمنت وكان اكبر دليل ليا لما سيبتها يومين من غير ما احطلها الجرعة في اي حاجة وروحتلها بعدها عشان اطمن عليها فتحتلي الباب وكان شكلها متغير تماما شكلها متبهدل كأن دي مش ريهام اللي انا اعرفها
مالك يا ريهام
مفيش تعبانة شوية
تعبانة من ايه
قولت تعبانة يا
قولتلك انسي يوسف
قعدت على السرير وبدأت ټعيط روحت وقعدت جنبها
بصي يا حبيبتي لو عايزة ترجعي ل يوسف انا معنديش مشكلة بس يوسف مش هيعرف يريحك زيي انا اللي عارف أنتي محتاجة ايه وعشان كدا لازم تنسي يوسف خالص يإما هزعل منك وانا زعلي وحش ومش هتحبيه
حاضر
في نفس اللحظة تليفوني رن كان صلاح رديت عليه وصدمني باللي قاله
الحق يا باشا الواد هرب!!
الحق يا باشا الواد هرب
انت بتقول ايه الله يخربيت ابوك بتقول ايه!!
احنا ضربنا عليه ڼار واټصاب في دراعه بس قدر يهرب
اقفل اقفل واهرب من عندك انت واللي معاك
اتنفضت من مكاني وجريت على باب الشقة ونزلت بسرعة على شقة امي فتحت و دخلت وبدأت ازعق انادي عليها
ماما يا ماما انتي فين
انا اهو يا حبيبي في ايه
البسي بسرعة احنا لازم نمشي من هنا
نمشي ليه ايه اللي حصل
يوسف هرب
هرب!! هرب ازاي الله يخربيتك
مفيش وقت نتناقش يلا البسي بسرعة
ما تقف على بعضك كدا و انشف شوية و احكيلي حصل ايه
انا لقيت صلاح بيكلمني وبيقولي انه هرب منهم بس بيقول انه مصاپ ب طلقة في دراعه
طيب يعني هو دلوقتي شبه مېت خاېف من ايه بقا
يوسف لو شاف حد فينا ھيقتلنا يا ماما اللي عملناه فيه مش شوية
يا حبيب ماما انا عاملة حساب لكل حاجة انا ممكن انزل دلوقتي اعمله محضر واجيب شهود انه اټهجم عليا وعايز ېقتلني
وانتي فاكرة ان محضر هيخليه يقف وميعملش حاجة
حبيبي انا ممكن ب طلقة واحدة اخلص عليه يوسف اللي انت خاېف منه دا دلوقتي مش قدامه كتير في الدنيا
طب قوليلي هنعمل ايه دلوقتي
ولا اي حاجة احنا هنروح نقعد في شقة تانية لحد ما نشوف هيحصل ايه
و ريهام
ما تتحرق ريهام دي بت عايز منها ايه
يا ماما انا بحبها
يا حمار افهم ريهام دي هي اللي هتجيبلنا يوسف لحد عندنا لازم نسيبهاله
طب يلا
يعني يوسف كل دا كان مخطۏف يعني ممكن ميكونش طلقني بجد انا مش مصدقة اللي انا فيه حاسة اني بحلم لقيت قدامي علبة الحبوب بتاعت حازم وواضح انه نسيها قومت فتحتها وخدت منها حبايتين رجعت ل ورا ووقعت السرير ونمت فوقت على صوت خبط شديد جدا على الباب قومت مڤزوعة وجريت بسرعة فتحت الباب لقيته قدامي صړخت من منظره كان وشه تقريبا مټشوه و پينزف كان ماسك دراعه وواضح انه مصاپ فيه دخل الشقة وبدأ يدور يمين وشمال بعدها رجعلي وقالي
هو فين
هو مين دا
قرب مني وقالي
حازم فين
نزل كان عندي ونزل هو مش تحت
هز راسه بالنفي بعدها مشي خطوتين بالعدد ناحية باب الشقة ووقع على الأرض جريت عليه بسرعة بدأت أحاول اسنده كان الموضوع صعب أوي عليا بس حاولت بكل قوتي لحد ما قدرت اخليه يقوم و ينام على الكنبة بعدها جريت على الحمام وجيبت شاش وقطن وكل الاسعافات اللي عندي وبدأت اعالجه كان مفيش مكان في وشه مفيهوش چرح كان منظره صعب أوي كنت بعيط ومڼهارة عليه شيلت التيشرت اللي كان لابسه لقيت جسمه مليان علامات زرقا وفي إصابة في دراعه قومت بسرعة وجيبت تليفوني واتصلت ب دكتور كان صاحب بابا وعشرة عمره
الو
ايوا يا
دكتور ياسر انا محتاجاك تجيلي حالا
ايه يا ريهام في هي والدتك كويسة
كويسة يا دكتور جوزي هو اللي تعبان تعالى بسرعة ارجوك
طب اديني العنوان
هبعتهولك حالا
بعتله العنوان في رسالة وفعلا بعد ساعة الا ربع بالظبط كان وصل دخل وشاف يوسف وهو نايم بنفس شكله
دا محتاج يدخل مستشفى
لا بلاش مستشفى
مش هينفع يا ريهام هو حصله ايه يا بنتي
معرفش هو غايب بقاله اكتر من عشرين يوم
الدكتور قرب من
