روايه للكاتبه ايه عرفات الفصل الخامس

لان جاسر ده صاحبي واخويا وابن خالتي وكان معايا في المدرسه واقرب حد ليا عمري في حياتي ما صدق ان هو يخوني او هيبص على واحده تبقى مرات اخوه مالوش داعي كل الكلام اللي انتب بتقوليه ده لو انتب عايزه جاسر اتفضلي روحيله بس يا ريت ما تكرهنيش فيه وما تولعيش الدنيا في بعضها 
مريم قامت وقفت من الصدمه
مريم انت متاكد اي اللي انت بتقوله ده
ادهم ايوه متاكد عماله تدلعي وتتمايسي قدامه وتقوليلو لا انا انسه اتفضل لا ده انت ذوق لا مش عارف اي وفي الاخر تقوليلي هو اللي عايز انا مش اهبل يا مريم وعارف انك انتي عينك منه وعارف انك انتي عايزه تسيبيني وانك مش بتحبيني من ساعه ما هو ظهر وانا اللي بقولك عايزه تروحي له روحي له عايزه تطلقي مني اطلقك لكن تكرهيني في اخويا وعشره عمري فده اللي مش هرضى بيه ابدا بعد اذنك 
مريم غمضت عينيها طب واللي يثبت لك الكلام ده
ادهم وقف مكانه والتف لمريم
ادهم قصدك ايه
مريم وهي مغمضه عينيها انا هخليك تشوف وتسمع بودنك وتعرف الحقيقه فين 
ادهم ازاي بقى ان شاء الله 
مريم الساعه 1130 انا هقول لك ازاي عن اذنك
مريم سابت ادهم ونزلت الجنينه وفضلت ټعيط ما كانتش متوقعه اني ادهم هيقولها كده 
الساعه دقت 1130 ادهم دخل الاوضه على مريم
مريم هو انت مش عايز تتاكد من كلامي
ادهم انتي متغيره معايا من ساعه ظهور جاسر وكمان بتبعدي عني كل ما احاول اقرب منك انا مش عارف ليه بتبعدي عني بس كل اللي متاكد منه انك مش بتحبيني لانك انتي لو بتحبيني زي ما انا بحبك ما كنتش عملت كل المسافه دي بيني وبينك اتنين متجوزين بقى لهم شهرين ولسه ما حصلش بينهم علاقه ده معناه ايه
مريم انا قلتلك اني محتاجه وقت
ادهم الوقت ده المفروض اني اديهولك لو انتي مش بتحبيني لكن على كلامك انتي بتقولي انك بتحبيني ازاي بتحبيني وازاي بتبعديني عنك
مريم يعني انت مش مصدق اني بحبك
ادهم ايوه مش بتحبيني لانك لو بتحبيني كانتي اديتيني على اقل حقي 
مريم وشايف اني انا بعمل كل ده عشان ابعد عنك
ادهم ايوه انا شايف كده
مريم انا هروح عد جاسر دلوقتي وهخبط على الباب وهدخل وقبل ما ادخل هرن عليك وانت افتح الخط وهتسمع كل الكلام اللي بيني وبين جاسر وساعتها هتصدق مين فينا كداب 
ادهم انا مش هسيبك تخشي عليه لوحدك
مريم مش انت بتقول صاحبي وعشره عمري يبقى ما تخافش عن اذنك
مريم وصلت لحد اوضه جاسر ورنت عليه على التليفون
ادهم فتح عليه التليفون 
مريم وصلت لحد اوضه جاسر وخبطت عليه الباب 
استوب نرجع بقا مكان ما وقفنا 
بعد ما شاف ادهم وسمع الحقيقه ودخل عليهم وضړب جاسر
ادهم انا بحبك اوي معلش ما صدقتكيش من الاول حبيت اشوف بعيني وشفت انا اسف
مريم فضلت تبكي في حضنه زي العيله الصغيره 
سهام وقفوا المهزله اللي بتحصل دي اي اللي بيحصل ده ممكن افهم في اي
ادهم في يا ست هانم ان ابن اختك كان بيبص لمراتي وجالها لحد اوضه نومي كان عايز يعمل معاها علاقه بس مراتي عشان بنت اصول وبتحبني طردتو بره وشتمته 
سهام ايه الكلام الفاضي ده وانتي تصدق مراتك وتكذب ابن خالتك انت فاكر كنت بتقول ايه على جاسر انت كنت بتيجي تقولي يا ماما جاسر ده توامي ده روحي ده اكتر من اخويا دلوقتي بتكذب اخوك عشان خاطر واحده زي دي هي اللي كانت بتدلع عليه وهي اللي كانت بتجيله لحد اوضته وانا شفتها كذا مره خارجه من عنده
مريم انا ما اسمحلكيش انك تقولي حاجه زي دي عليا انا اشرف من الشرف انا بنت ناس واهلي مربيني مش واحده جايبينها من الشارع انا لحد الان محافظه انك انتي ام جوزي بس لو زودتيها عن كده انا هوقفك عند حدك وعشان اكدلك كلامي اللي
كان بيحاول يعملوا معايا كان برده بيحاول يعملوا مع ساره اختي وساره كانت بتصده مره ضرباته بالقلم على وشه ومره وقعته في حمام السباحه 
حصل يا ساره وآله لا
ساره بارتباك ايوه حصل
يوسف نعم انتي بتقولي اي
ساره ايوه حصل وحاول يلمسني كذا مره وحاول يتكلم معايا بس انا كنت بصده كنت باخد حقي بدراعي
يوسف انت ازاي ما تقوليش حاجه زي دي
ساره قلت ان دي حاجه تافهه وما حبيتش اعمل مشاكل في البيت وانا كنت بعرف اوقفه عند حده كويس
يوسف توقفيه عند حده ليه هو وانتي مش متجوزه راجل يوسف نزل ضړب في جاسر لحد ما ڼزف ډم من بقه
سهام وقفت قدام جاسر اللي هيمد ايده فيكم على جاسر انا هكلم الشرطه وهسجنه 
يوسف انت بتدافعي علي واحد حقېر زي ده 
سهام وانتم الاثنين صدقتوا كلام مريم طب ما طبيعي ساره اخت مريم لازم تدافع عن أخته انتم الاتنين ما تعرفوش الحقيقه فين الاثنين دول تعابين وسمعتهم زي الزفت وعايزين يوقعوكم في بعض
مريم لحد هنا وكفايه انا كل ده ساكته لاني مش حابه ازعل جوزي واصدمه بحقيقتك القذره
ادهم مريم انتي ازاي تكلمي امي بالشكل ده 
مريم امك اللي عماله ټشتم فينا وتقل منا وانت واقف هي السبب في كل اللي احنا فيه ده
ادهم قصدك اي
مريم طلعت الفيديو اللي معاها اللي كانت مسجلاه لجاسر ولسهام وسمعته للكل