ابن صاحب الشركة بقلم اية محمد "الجزء التاني والاخير"
ابن صاحب الشركة بقلم اية محمد "الجزء التاني والاخير"
الساعة اربعه.. قوووم بقي..
قاسم ي انهر اسود... اانا نمت كل دا!!
خالد أدي اخره الرغي ع التليفونات طول الليل..قوم انا جهزتلك كل لبسك و شقتك اتزينت زي م انت طلبت بالظبط و المفتاح معايا... ادخل خد شاور علي م البس عشان افضالك...
قاسم م ماااشي..
قاسم خد شاور وخرج لبس بدلته و ظبط شعره... فارس وقف قصاده و هو مبتسم و ربط الجرافت ل قاسم و باركله...
قاسم الله يبارك فيكم ي شباب عقبالكم...
خالد هو.. ابوك هيجي..
قاسم انا قولتله بس قولتله بردو ي ريت ميجيش.. و أنتوا لو شوفتوه تبعدوا عنه و محدش يتكلم معاه فاهمين.. هما ساعتين زمن و هقوله انكوا رجعتوا برلين.. ماشي!
خالد اللي تشوفه ي حبيبي.. يلا بقي مش هننكد علي نفسنا.. انت روح هات عروستك و احنا هنروح نشوف كله جهز ولا اي في القاعه...
قاسم وصل عند فرح بعد فترة و كانت جهزت و مستنياه...
هالة فرح قاسم جه... هه صاحبه مجاش معاه ليه!
علا اقعدي انتي دلوقتي مش وقتك.. اي اللي هيجيب صاحبه معاه يعني!
قاسم دخل جوا و شافها وهي واقفه مكسوفه و مستنياه...
قاسم ب سعادة اي القمر دا بس.. مبروك عليا انتي ي فرح والله..
فرح احم.. شكلي حلو بجد..
قاسم قمر..
فرح لااا.. لسه مكتبناش الكتاب...
قاسم ماااشي ي انسه فرح.. طب يلا عشان لسه السيشن..
فرح يلا....
فرح وقاسم اتصوروا السيشن و بعدين وصلوا علي القاعة..
والد فرح كان واقف علي عكازه ساند عليه بصعوبه بس هو مش حابب يكون علي الكرسي يوم فرح بنته الوحيده زي م هو اعتبر...
ان في يوم زعلتك تعلالي لو كنت انا عايش و انا هقف في صفك لو انت علي حق.. بس صدقني هي مش هتزعلك ابدا...
جلال مبروك ي حبايبي ألف مبروك..
فرح حضنت ابوها وهي بټعيط و عاجزه عن الرد بعد كلامه و هو ضمھا والفرحه مش سيعاه...
بعد شوية كان الكل مجتمعين و وسطهم المأذون وقاسم ايده في ايد المأذون و للحظه لمح ابوه واقف بعيد بيبصله و بيبص لأخواته اللي كانوا واقفين في ضهره و قاسم حس بالخۏف لما شافه و خاف اكتر علي أخواته..
المأذون بارك الله لكما و بارك عليكما و جمع بينكما في خير...
بدأت الإحتفالات و الكل كان فرحان لقاسم و فرح....
كانوا قاعدين و المعازيم بيسلموا عليهم لحد م وصلت مليكة...
مليكة قاسم ألف ألف مبروك..
قاسم الله يبارك فيكي ي مليكة عقبالك...
مليكة مبروك ي فرح..
فرح بضيق الله يبارك فيكي..
مليكة بيني وبينك ي فرح انا عمري م تخيلت ان قاسم يحب تاني بعد خطيبته.. هي كان اسمها اي اه.. زينة عبد الله..
و يتبع...
بقلمي آية محمد عامر
ابن_صاحب_الشركه
حكاية_فرح
رأيكم.. ي تري فرح هتعمل اي!!Part 15
مليكة بيني وبينك ي فرح انا عمري م تخيلت ان قاسم يحب تاني
بعد خطيبته.. هي كان اسمها اي اه.. زينة عبد الله..
فرح ايوا.. اسمها كان زينة عبد الله و أتوفت من تلات سنين..
مليكة تعرفيها..
فرح ايوا.. طبعا قاسم حكالي عنها لأنها البنت الوحيده اللي خطبها.. البنت الوحيدة اللي اهتم بيها مش حد غيرها بس ربنا استرد أمانته و حاليا قاسم ربنا بعتله فرح اللي هي أنا..
مليكه سابتهم و مشيت و هي متغاظة و قاسم بص لفرح ب إبتسامه و هي بصتله بضيق من وجود مليكه في الفرح..
فلاش بااك..
قاسم فرح انا كنت خاطب.. من تلات سنين و خطيبتي أتوفت.. أنا كنت حابب اقولك عشان كدا كدا هتعرفي ف الأحسن تعرفي مني..
فرح كنت بتحبها..
قاسم بهدوء اكتر من روحي.. بس دلوقتي انا شايف حياتي معاكي انتي بس..
فرح كان اسمها اي!
قاسم زينة.. زينة عبد الله..
فرح پصدمه دي... دي نفسها اللي كانت ماټت وقالوا غ..
قاسم بمقاطعه لا.. تشابه اسماء ي فرح مش هي..
باك...
فرح البت الصفرا دي اي اللي جابها..
قاسم انا اللي عزمتها..
فرح و تعزمها ليه
قاسم عشان انا عزمت ناس كتير من اللي شغالين معايا و هي أهمهم فكان لازم اعزمها.. خلاص بقي ي فرح متضايقيش النهاردة فرحنا..
فرح خلاص ي قاسم مش متضايقه..
قاسم ايوا كدا ي قمر اضحك كدا و ورينا الضحكه الحلوه...
فرح خلاص ماشي..
هالة جت و وقفت جمب فرح و ميلت عليها..
هالة فرح البوفيه هيفتح أمتي..
فرح بهمس اهمدي ي هالة هتفضحينا..
هالة بقولك اي ي فرح انا طول اليوم معاكي و مكلتش حاجه.. جعاااانه...
قاسم بضحك فاضله نص ساعه ي هالة..
هالة بحرج احم.. هو حضرتك سامعني!
قاسم انتي عبيطة ولا اي م انا لازق جمبها..
زياد ألف مبروك ي قاسم..
قاسم الله يبارك فيك ي حبيبي...
زياد مبروك ي فرح..
فرح الله يبارك فيك..
هالة عقبالنا ي رب..
فرح خبطتها في جمبها و زياد مشي ف فرح بصتلها بضيق..
هالة روحي اقعدي و لمي نفسك..
هالة مشيت و هي لسه مركزة مع زياد اللي راح وقف جمب بنت... و هالة قعدت جمب علا..
هالة شوفتي بيخوني ازاي!!
علا هالة ي حبيبتي هو ميعرفش انك عايشه اصلا.. حبيبتي هو ميعرفكيش!
هالة ايوا بس دا مش مبرر للخيانه ي علا..
علا انا هخرج برا شويه و أسيبك للعبط بتاعك دا...
علا خرجت برا وقفت لوحدها لفترة بعيدا عن الدوشه و بعدين دخلت تاني لكن لقت ياسر قاعد لوحده برا و مفيش حد معاه..
علا اي ي مستر ليه قاعد لوحدك كدا..
ياسر مفيش كنت بكلم خطيبتي..
علا الاستاذة زينة اخبارها اي..
ياسر كويسه..
علا حضرتك كويس! حساك متضايق..
ياسر نعمل اي لو الشخص اللي بنحبه محبناش..
علا قعدت قصاده و هي بتبصله بتفهم و كأنها فاهمه كل ألم و كل إحساس هو بيفكر فيه..
علا ندي لقلبنا الفرصه انه يرحب بالحب اللي يستاهله..
ياسر اذا كان القلب دا نفسه مش شايف غيرها.. بس بردو في نفس الوقت متردد من ناحيتها..
علا القلب لو حب مستحيل يتردد..
ياسر لا صدقيني بيكون متردد.. كنت متوقع شكل تاني لعلاقتنا و هي نفسها تفكيرها و الحاجات اللي قدرت استنتجها من كلامنا القليل سوا انها غير م اتوقعت.. حسبتها غلط.. وحبيتها استنادا علي خيال جاي بسبب اعجاب بيها مش اكتر..
علا يعني اي! دا إعجاب ولا حب..
ياسر حب اتبني في خيالي بشخصيه مش موجوده.. شخصيه مخدتش من زينه غير شكلها و بس...
علا انت بتفكر انك تفشكل خطوبتك..
ياسر تؤ... هي شخصيه كويسه و محترمه و ان شاء الله تكون زوجه كويسه.. و ان انا قررت اتجوز مش هيكون اختياري غيرها..
علا ربنا يتمملك جوازتكم علي خير ي رب.. أنا هدخل جوا بقي عشان فرح قالتلنا محدش يسيبني...
علا وقفت وبعدت عن ياسر و هي بتفكر في الكلام اللي قاله ليها...
هالة كنتي فين!
علا كنت برا و قعدت مع مستر ياسر شويه.
هالة يعني انتي سيباه في الشركه عشان تيجي هنا تقعدي معاه! ولا عجبتك الوقعه!
علا بس ي هالة.. متجيبيش سيرة الموقف دا تاني..
هالة مالك ي علا.. انتي ليه اتغيرتي كدا!
علا متغيرتش انا زي م أنا..
هالة متأكده يعني!
علا ايوا..
علا بعدت عن هالة و قعدت لوحدها و اتنهدت بتعب...
فلاش باااك..
علا ماشية في الشركة ورايحه لمكتبها و هي شايله ورق علي إيديها و بتراجع فيه..
علا بغيظ مليون شغلانه في الدقيقة و ي ريته بيقدر.. ي لهووووواي.. شركه طويلة عريضة وفيها سحليه!!! و دي جت منين دي!
علا مشيت بهدوء من جمبها بس الخۏف أتمكن منها و جريت بسرعه لجوا مكتب ياسر وقفلت الباب وراها و ياسر كان واقف وراها بيبصلها ب إستغراب و متكلمش..
السحلية دخلت من تحت الباب ف علا صوتت ورجعت لورا و وقعت فوق ياسر..
لحظات من الصمت و الصدمه من علا اللي لقت نفسها فجاءه فوق ياسر.. و الصدمه الأكبر لما ياسر حاوطها ب أيده و دايرها تحته ووقف بسرعه و عدل هدومه...
علا وقفت وهي لسه علي نفس صډمتها و بتحاول أنها تبرر موقفها....
علا مستر ياسر كان في بتاعه هنا كدا و انا مش عارفه جت منين و انا..
ياسر شوفتها.. هو بس عشان الشركه علي الطريق مش في وسط مباني ف.. المهم يعني حصل خير..
بااااك..
قاسم كان شايل فرح وبيلف بيها في وسط فرحه صحباتها بيها و عمتها اللي فضلت تزغرطلها طول الفرح.. و بترقص هي و خالد... قاسم و فرح رجعوا قعدوا تاني و فارس راح يدي قاسم الجاكت بتاعه و جايبلهم مايه لما اتقدم والدهم قاسم عشان يباركلهم...
سالم ألف مبروك ي أبني..
قاسم الله يبارك فيك..
سالم مبروك ي فرح..
فرح الله يبارك في حضرتك..
سالم ف.. فارس.. عاوز اتكلم معاك براا شوية...
قاسم بضيق لا... فارس مش هيتحرك من هنا..
فارس بص ل أبوه پغضب و كره كبير و طلب منه بالإشاره انه يمشي..
سالم پصدمه انت مال صوتك!!
قاسم پغضب خسره.. خسره بسبب اللي أنت عملته فيه.. امشي بقي عاوز مننا اي تاني..
سالم بحزن همشي.. خلاص ي ابني.. ألف مبروك..
سالم مشي و فارس وقف قصاد قاسم و طلب منه يهدي و ميتضايقش في يوم زي دا...
في أخر الفرح هالة كانت قاعدة في زاوية و هي بتراقب زياد وجمبه البنت اللي دخلت معاه من اول الفرح و قاعدين بيتصورا..
هالة بيأس خلاص بقي ي هالة ملكيش نصيب فيه...
.............
قاسم و فرح وصلوا شقتهم اللي كانت مفروشه بشكل راقي و جميل...
قاسم شال فرح و لف بيها و هو بيفرجها علي الشقة...
فرح بخجل جميلة.. خلاص نزلني بقي..
قاسم حاضر..
فرح الفرح كان حلو أوي..
قاسم اوي فعلا..
فرح بس مستر سالم باين عليه تعبان وو...
قاسم بمقاطعه فرح.. النهاردة أول يوم لينا مع بعض بلاش نتكلم في حاجة تضايقنا..
فرح ماشي.. معاك حق..
قاسم مبروك عليا وجودك في حياتي.. أنتي فرحه حياتي بعد سنين من التعب.. مهما قولت مش هقدر أوصفلك شعوري.. ربنا يديمك ليا ي فرح..
..................
تاني يوم الصبح قاسم صحي من بدري و فرح كانت لسه نايمه و محستش بحركته في الأوضة....
قاسم طلعت بتتأخر عشان النوم مش كل مره كانت بتطلعلي بحجه شكل.. فرررح.. ي فررررررح..
فرح بنوم عمتو سيبيني نايمه أنا تعبانه.. و المدير هيقرفني طول
اليوم..
قاسم
